នាងចង់សាកចិត្តអនាគតគូជីវិតរបស់នាង ឥឡូវនាងបានដឹងការពិតហើយតើ មានន័យថាការសាកល្បងបានជោគជ័យហើយតើ វាសោកស្តាយត្រង់ថាលទ្ធផលវាអវិជ្ជមានខុសពីការចង់បានរបស់នាងតែប៉ុណ្ណោះ តែវិជ្ជមានត្រង់ថានាងបានដឹងការពិតមុននឹងគ្រប់យ៉ាងត្រូវជ្រុលពេល បើការពិតចេញមកបែបនេះទៅហើយ មានអ្វីដែលមិនត្រូវយល់ថាវាជារឿងវិជ្ជមានខ្លះនោះ។ ឬយល់ថាមិនគួរបុរសនេះមានចិត្តបែបហ្នឹង? ចុះនាងម្តេចមិនគិតថា នាងមានឱកាសបានដឹងចិត្តពិតនៃអនាគតស្វាមីនាង មុនរឿងហួសពេលបានមកដល់។ ពិតណាស់វាជារឿងខក ចិត្តដែលអនាគតស្វាមីនាងជាមនុស្សប្រភេទនេះ ខុសពីការរំពឹងទុករបស់នាង ក៏ប៉ុន្តែយ៉ាងណាក៏ល្អជាងនាងរៀបការរួចហើយជាមួយមនុស្សធុននេះរួចទើបនាងដឹងថាបុរសនេះមានចិត្តបែបនេះដែរ ហើយវារិតតែធ្ងន់ធ្ងរជាងនេះទៅទៀត បើនាងរៀបការហើយនៅជាមួយបុរសនេះរហូតដល់នាងអស់សម្ផស្សទើបនាងបានដឹងចិត្តបុរសនេះ ព្រោះពេលនោះវារិតតែហួសពេល រហូតអត់ពេលកែខៃបាន។ ឈឺចិត្តមួយរយ:ដើម្បីបានសុខក្នុងរយ:ពេលវែងគ្មានអីមិនព្រមទទួលការឈឺចាប់នោះទេ។ វះកាត់ជំងឺពិតណាស់វាឈឺចាប់តែដើម្បីការរួចផុតជំងឺនេះក្រោយពេលវះកាត់រួច ត្រូវតែសប្បាយចិត្តទទួលយកការវះកាត់នោះ៕