ទោះអ្នកនោះល្ងង់ក៏ដោយ ក្រខ្សត់ក៏ដោយ សេចក្តីស្មោះត្រង់ ការលះបង់ និងមនោសញ្ចេនា ជាគុណធម៌ខ្ពង់ខ្ពស់ណាស់របស់មនុស្ស។ មនុស្សមានសេចក្តីល្អក្នុងខ្លួនតែងតែញាប់ញ័រនឹងគុណធម៌ទាំងនេះរបស់អ្នកដទៃ ជួនកាលរំជួលចិត្តដល់ស្រក់ទឹកភ្នែកផង។ តែសំរាប់មនុស្សគ្មានក្តីល្អក្នុងខ្លួន មិនពាល់ត្រូវនូវតំៃលគុណធម៌ទាំងនេះទេ ពួកគេមានចិត្តធម្មតា មិនចាប់អារម្មណ៍ឡើយនឹងគុណធម៌ដ៏ខ្ពង់ខ្ពស់ទាំងនោះ សូម្បីអ្នកបានបូជាជីវិតអ្នកដើម្បីបំរើមនុស្សក៏ដោយ ក៏នៅតែការលះបង់នោះ មិនរង្គើកញាប់ញ័រដល់សណ្តាននៃមនុស្សគ្មានក្តីល្អក្នុងខ្លួនដែលមិនដែលដាក់អារម្មណ៍គិតដល់ក្តីសុខនៃអ្នកដទៃក្រៅពីខ្លួនឯងទាំងនោះដែរ។ បើអ្នកសំគាល់បានថា ជាមនុស្សដែលគ្មានក្តីល្អក្នុងខ្លួនដល់កំរិតពាល់ក្តីល្អរបស់អ្នកដទៃមិនត្រូវបែបនេះហើយ អ្នកត្រូវមើលអោយឃើញថា មនុស្សទាំងនោះពុំមានតំលៃសក្តិសមនឹងទទួលបានការលះបង់របស់អ្នកឡើយ។ អ្នកជួយមនុស្សប្រភេទនេះ គឺអ្នកចូលរួមបំផ្លាញពិភពលោកដោយជួយអោយចំរើនលូតលាស់នូវសភាវ:អាក្រក់ដល់ភពផែនដីតែប៉ុណ្ណោះ។។
10 hrs · Public
