បើអ្នកធ្វើល្អនឹងអ្នកណាម្នាក់ដោយជំរៅចិត្តអ្នករំពឹងផលល្អនឹងកើតមានចំពោះអ្នកវិញ នោះមិនចាត់ទុកជាសេចក្តីល្អរបស់អ្នកទេ។អ្នកធ្វើដើម្បីខ្លួនឯងទេ។ តើអ្នកអាចស៊ូធ្វើល្អខាងក្រៅបែបនេះបានយូរប៉ុណ្ណាទៅ បើចិត្តអ្នកទន្ទឹងរង់ចាំលទ្ធផលល្អពីបុគ្គលដែលអ្នកធ្វើឡើង ចង់អោយគេឃើញអោយគេដឹងបែបនេះនោះ? អ្នកនឹងហត់នៅទីបំផុតដែល ទីបំផុតនោះមិនជាយូរពេកទេ។ វាជាការទ្រាំមួយ វាជាការទន្ទឹងមួយ ដែលចិត្តរងភាពអន្ទះអន្ទែងបែបនេះមិនអាចនៅសំងំបានយូរឡើយ វានឹងចេញមកខាងក្រៅអោយគេឃើញថាអ្នកមិនបានធ្វើអំពើល្អទេ គឺអ្នកធ្វើគ្រប់យ៉ាងដើម្បីខ្លនអ្នកទេ។ រឿងត្រឹមត្រូវ អ្នកគ្រាន់តែមើលអោយឃើញតំលៃនៃមនុស្សដែលអ្នកបំរុងធ្វើសេចក្តីល្អទៅកាន់នោះ ថាតើអ្នកនោះសមនឹងអោយអ្នកធ្វើការងារល្អណាមួយទៅកាន់ដែរឬទេទៅបានហើយ។បើឃើញថាជាមនុស្សល្អសមនឹងទទួលបានការលះបង់ប្រភេទណាមួយពីអ្នកហើយ នោះអ្នកធ្វើទៅ ចិត្តអ្នកចប់ត្រឹមបានធ្វើចំពោះមនុស្សដែលគួរធ្វើទៅបានហើយ។បើចិត្តអ្នកបែបនេះ នោះអំពើរបស់អ្នកពេញតួជាអំពើល្អ បើអ្នកដទៃមិនដឹងគុណអ្នក នោះអ្នកនោះគឺជាមនុស្សមិនល្អហើយ តែបើអ្នករំពឹងពីការធ្វើរបស់អ្នក នោះមិនមែនជាអំពើល្អទេ វាជាជំនួញម្យ៉ាងតែប៉ុណ្ណោះ។ តែចំពោះក្តីស្នេហាជារឿងផ្សេងពីនេះ ពិតណាស់យើងត្រូវតែមានចិត្តហួងហែងចង់បានមនុស្សដែលយើងធ្វើល្អទៅកាន់ ទើបអាចហៅថាជាក្តីស្នេហាបាន ព្រោះគ្មានការហួងហែងគឺមិនមែនជាក្តីស្នេហាទេ ប៉ុន្តែ ស្នេហានៃមនុស្សមិនអាត្មានិយម មិនមែនគ្មានការលះបង់ទេ បើក្នុងករណីដែលចាំបាច់ណាមួយដែលត្រូវលះបង់ស្នេហានេះ ដើម្បីក្តីសុខមនុស្សដែលយើងស្រឡាញ់នោះ ក្នុងការឈឺចាប់នៃការលះបង់ឬការបាត់បង់ គឺមានការសុខព្រមព្រមអោយបាត់ទៅនៃវត្តមានមនុស្សដែលយើងស្រឡាញ់ពីការហួងហែងនៃចិត្តរបស់យើង ពិតជាមានការពេញចិត្តផងដែរ។ ការលះបង់ វាកើតមកពីហេតុពីរយ៉ាង: ១-យល់ពីសុខទុក្ខមនុស្សដែលយើងស្រឡាញ់ ២-ជាអារម្មណ៍ដែលទទួលបានថាមនុស្សនេះមានតំលៃសមនឹងទទួលការលះបង់របស់យើងណាស់។ បើមនុស្សម្នាក់គេបែកពីយើងដោយប្រាប់ថាគេមិនចង់អោយម៉ាក់ប៉ាពិបាកចិត្ត តែអារម្មណ៍យើងទទួលបានថាមិនមែនទេ គឺព្រោះគេមានអារម្មណ៍ល្អសំឡឹងឃើញអ្នកក្រោយល្អជាងយើង អាចពឹងបានជាងយើង ឬគេមានចិត្តងាករេពីយើងទៅហើយ នោះការសុខចិត្តអោយអ្នកនោះចាកចេញទៅ មិនមែនជាការលះបង់ទេ តែវាគឺជាចិត្តដែលទទួលអារម្មណ៍អន់ចិត្តទៅវិញទេ គឺអន់ចិត្តថាមនុស្សនេះលែងមានតំលៃសំរាប់ចិត្តយើងហើយ គឺជាការអនុញ្ញាតិអោយមនុស្សដែលអស់តំលៃក្នុងចិត្តយើងចាកចេញពីយើងទេ មិនមែនជាការលះបង់ទេ សឹងតែអាចថាបើអាចទប់គេមិនអោយទៅបានក៏មិនទប់ដែរ មានតែប្រាប់អោយទៅចុះ ព្រោះទង្វើរបស់គេបានធ្វើអោយល្អក់កករដល់ចិត្តស្រឡាញ់ដ៏ស្មោះត្រង់របស់យើងហើយ អ្នកអស់តំលៃដែលខ្ញុំអាចស្រឡាញ់តទៅទៀតបានហើយ។ វាមិនមែនជាការលះបង់របស់ខ្ញុំទេ ព្រោះអ្នកគ្មានតំលៃអោយខ្ញុំលះបង់ទេ ហើយក៏ខ្ញុំមិនមានចិត្តព្រមដើម្បីក្តីសុខរបស់អ្នកដែរ អ្នកទៅចុះ ព្រោះចិត្តខ្ញុំមិនអាចទទួលយកមនុស្សមានចិត្តបែបហ្នឹងទេ។ សូមបញ្ជាក់ប្រាប់អ្នកអោយច្បាស់ថា អនុញ្ញាតិអោយអ្នកចេញទៅ មិនមែនជាការលះបង់របស់ខ្ញុំចំពោះអ្នកទេ ព្រោះអ្នកគ្មានតំលៃសមនឹងទទួលបានការលះបង់របស់ខ្ញុំឡើយ តែគឺព្រោះមនុស្សអ្នកអស់តំលៃក្នុងចិត្តខ្ញុំហើយទៅវិញទេ។។។
45 mins · Public
