រឿង ឪពុក កូនប្រុស និង សត្វលាមួយក្បាល

 

កាលពីដើមឡើយមានពីរនាក់ឪពុកនិងកូនបានចាកចេញពីភូមិមកទិញសត្វលាមួយក្បាល
នៅឯផ្សារ។ក្រោយពេលដែលបានទិញរួចរាល់ហើយគាត់ក៏នាំកូនប្រុសនិងសត្វលាត្រឡប់
មកផ្ទះវិញ ។ ពេលត្រលប់មកតាមផ្លូវគាត់ក៏ឲ្យកូនប្រុសជិះសត្វលានោះលុះធ្វើដំណើរបាន
បន្តិចស្រាប់តែមានគេនិយាយថា «កូនប្រុសនេះ ម្តេចក៏អាក្រក់ម៉្លេះ សុខចិត្តឲ្យឪពុកដើរយក
ស្រួលតែខ្លួនឯង» ។ ពេលបានលឺដូច្នេះពួកគេក៏សំរេចថាទុកឲ្យឪពុកជាអ្នកជិះសត្វលាម្តង ។ ដល់ពេលគាត់បានឆ្លងកាត់ភូមិមួយគាត់ក៏បានលឺអ្នកស្រុកនិយាយថា «ឪពុកនេះមិចក៏មិនឲ្យ
កូនជិះផងមិនគិតដល់កូនប្រុសដែលនៅតូចសោះ» ។ ក្រោយមកពួកគេទាំងពីនាក់ក៏សំរេច
ជិះលាទាំងពីនាក់កំពុងតែធ្វើដំណើរ ពួកគេក៏បានលឺពាក្យគេរិះគន់ទៀតថា « មើលចុះ ពីរនាក់
ឪពុកនិងកូននេះចេះធ្វើបាបសត្វទៅកើតគ្នាមិនទាំងធំស្រួលបួលផងក៏ទុកគ្នាជាទាសករទៅ
ហើយ គ្នានចិត្តអាណិតដល់សត្វសូម្បីបន្តិច» ។ លើកនេះពួកគេក៏ពិភាក្សាគ្នាម្តងទៀតទីបំផុត
ពួកគេក៏មិនសំរេចចិត្តមិនជិះសត្វលានេះ រហូតដល់ភូមិគាត់ក៏មានអ្នកជិតខាងគាត់ស្រែកថា «អើយ! ពីនាក់ឪពុកកូននេះ ល្ងង់អីក៏ល្ងង់ ទៅទិញសត្វលាអស់ប្រាក់ម៉ាគគោក សុខចិត្តបណ្តើរ
មិនព្រមជិះ» ៕

☛​ មនុស្ស១០នាក់មានចិត្ត១០ ។ អ្នកមិនអាចផ្គាប់ចិត្តមនុស្សគ្រប់គ្នាបានឡើយ។
អ្វីដែលអ្នកពិចារណាឃើញត្រូវ ចូរធ្វើវាចុះ។