Veasna Khem
វាមិនមែនជារឿងដែលត្រូវទុកចោលអោយកន្លងហួសទៅដោយមិនលើកយកមកនិយាយនោះទេ ចំពោះមនុស្សដែលនិយាយថាខ្ញុំបើករបររកសីុនេះគឹឺដើម្បីបក្ស។ ពាក្យខ្ញុំបើរបររកសីុដើម្បីបក្សនេះបានសំលាប់ចិត្តអ្នកគាំទ្រLDPច្រើននាក់ណាស់ ពួកអ្នកគាំទ្រLDPឮពាក្យនេះពួកគេមានអារម្មណ៍សប្បាយហើយគោរពទឹកចិត្តអ្នកនិយាយនោះខ្លាំងណាស់ អ្នកខ្លះក៏ចូលរួមក្នុងសកម្មភាពអាជីវកម្មរកសីុរបស់បុគ្គលនោះដោយសារតែពាក្យថាខ្ញុំខំរកសីុដើម្បីបក្សនេះឯង។ ជួនកាលមុខរបររបស់គេរកសីុមិនទៅមុខ ខាតចុងខាតដើម គេនិយាយថាព្រោះតែគេជាLDPបានជាអតិថិជនរបស់គេរើសអើង ធ្វើអោយគេខាតបង់ អ្នកជាLDPស្តាប់ហើយមានអារម្មណ៍ថាហេតុអ្វីបក្សធ្វើមិនដឹងមិនឮចំពោះមនុស្សដែលខំលះបង់ដើម្បីបក្សបែបនេះ? ការពិតមានមនុស្សច្រើនណាស់ដែលយកពាក្យថារកសីុដើម្បីបក្សមកបាំងមុខ ការពិតគេរកសីុដើម្បីខ្លួនគេទេ មិនត្រឹមតែមិនបានជួយបក្សទេថែមទាំងកេងចំណេញពីឈ្មោះបក្សទៅទៀតផង តើមនុស្សបែបនេះត្រង់ណាជាសណ្តានLDPទៅ? មុខរបរដែលបក្សជាអ្នកគ្រប់គ្រងវាគឺជារបស់បក្ស ចំណេញខាតបក្សជាអ្នកទទួលខុសត្រូវ គ្មានអ្នកណាម្នាក់មានសិទ្ធិចំណាយលុយទាំងនោះដោយខ្លួនគេផ្ទាល់មិនឆ្លងកាត់បក្សទេ តែបើរបរណាគេចំណាយនិងប្រមូលចំណូលដោយខ្លួនគេ មិនគួរសោះឡើយយកឈ្មោះបក្សទៅភ្ជាប់នឹងរបររកសីុនោះ ព្រោះថាអោយបក្សទៅទទួលខុសត្រូវយ៉ាងណាកើត បើការសំរេចលើមុខជំនួញនោះ ជាសិទ្ធិរបស់អ្នក មិនមែនជាសិទ្ធិរបស់បក្សផងហ្នឹង ខាតចំណេញ គឺអ្នកនោះហើយជាអ្នកទទួលខុសត្រូវដោយខ្លួនឯង។ តែយើងក៏សង្កេតមើលដែរចំពោះមនុស្សដែលជា"សមាជិកគ្រួសារយើង" គ្នារកសីុដោយមិនបានយកឈ្មោះបក្សទៅប្រើអីទេ តែយើងមើលយល់ជំរៅចិត្តមនុស្សនោះថាគេជា"សមាជិកគ្រួសារយើង"គ្នារកសីុខាត ជាមនុស្សសុចរិតទៀងត្រង់សមនឹងទទួលបាននូវការជួយ ហើយយើងក៏មានលទ្ធភាពជួយដែរ នោះយើងនឹងជួយភ្លាម។តែគួរអោយស្អប់បំផុតមនុស្សដែលតែងនិយាយអួតប្រាប់គេឯងថាខំសព្វថ្ងៃដើម្បីបក្ស ព្រោះថាមនុស្សដែលមានចិត្តបែបនេះមែន មិនដែលនិយាយពាក្យនេះដោយងាយៗប្រាប់មនុស្សទូទៅ ដែលជារបៀបទាញការចាប់អារម្មណ៍របស់អ្នកគាំទ្រLDPមកលើខ្លួនឬលើរបររកសីុរបស់ខ្លួននោះឡើយ។ សរុបមកLDPទាំងឡាយមិនគួរយកពាក្យថារកសីុដើម្បីបក្សមកអួតប្រាប់LDPទាំងឡាយទេ បើអ្នកមានសមានចិត្តជួយLDPមែន រកសីុដោយខ្លួនឯងដោយមិនយកឥទ្ធិពលបក្សទៅរកសីុ ហើយបានចំណេញចូលរួមនឹងបក្សតាមលទ្ធភាពនិងតាមទំហំទឹកចិត្តអ្នកទៅ។LDPមានសិទ្ធិពេញបរិបូណ៍ក្នុងការដឹងឮ ឬសួរនាំចំពោះបុគ្គលណាដែលប្រើឥទ្ធិពលរបស់LDPក្នុងគ្រប់រឿងមានជាអាទ៍រឿងរកសីុ ឬសុំស្នេហ៍នឹងអ្នកណាមួយ សុំខ្ចីលុយគ្នា ប្រមូលលុយគ្នាធ្វើកិច្ចការណាមួយ សុំជំនួយមើលជំងឺ ជាដើម និយាយរួមថាអ្វីក៏ដោយអោយតែប្រើខ្លិនLDP នោះLDPមានសិទ្ធិលូកដៃសួរនាំដឹងឮជានិច្ចជាកាល។ តែLDPក៏កោតសរសើរខ្លាំងណាស់ដែរចំពោះបុគ្គលខ្លះដែលហ៊ានប្រឈមនឹងឧបសគ្គទាំងឡាយដោយហ៊ានយកស្លាកLDPទៅបំពាក់អោយស្លាកមុខជំនួញណាមួយរបស់ខ្លួនក្នុងបំណងពង្រីកទស្សនៈLDPដែលស្របនឹងការងារប្រចាំថ្ងៃរបស់LDPក្នុងពេលបច្ចុប្បន្ននេះដែរ។។
22 hrs · Public
