ជនជាតិអីុស្រាអែលអាចមានទឹកចិត្តកំពូលក្នុងការសង្គ្រោះពលរដ្ឋរបស់គេ ព្រោះពលរដ្ឋគេជាមនុស្សមានតំលៃសក្តិសមនឹងទទួលបានការលះបង់របស់អ្នកសង្គ្រោះណាស់ បើបែបហ្នឹងទៅស្តាយអីជីវិតក្នុងការសង្គ្រោះនោះ ទោះបាត់បង់ជីវិត ក៏មានតែការពេញចិត្តដែរ គ្មានទេចិត្តសោកស្តាយ ព្រោះវាពេញតួជាការងារសប្បុរសដ៏មានតំលៃ។តែជនជាតិយើងផ្សេងពីនេះដូចមេឃនឹងដី។ចាំមើលតែមួយអាណត្តិទៀតទេកូន យើងនឹងរកដំណោះស្រាយផ្សេងសំរាប់ជីវិតគ្រួសារយើង។ ពុកមិនអាចឈរមើលឈាមកូនហូរព្រោះដូរយកមកវិញនូវ"សំរាម"ទេកូន។ ទុកអោយពួកគេរស់តាមបែបផែនពួកគេចុះ។ អ្នកយល់ហើយមិនចូលរួម គេនៅសំងំចាំមើលចលនាយើង ធ្វើដូចយើងប្រយុទ្ធដើម្បីខ្លួនយើង ធ្វើដូចពួកគេហ្នឹងជាជនជាតិផ្សេងពីយើង អោយពួកគេសំងំនៅក្នុងស្ថានភាពហ្នុងទៀតចុះ។ ពលរដ្ឋដែលស៊ាំនឹងការជិះជាន់មើលងាយមើលថោកពីពូជសាសន៍ខ្លួនឯង រស់នៅបែបអាសាច់ជូនខ្លាដើម្បីបន្តជីវិតដ៏គ្មានតំលៃរបស់គេ អោយគេរស់ក្នុងសភាពដែលពួកគេកំពុងស៊ាំហ្នុងចុះ។ គណបក្សប្រជាជន អោយគេសប្បាយនឹងដៃគូប្រឆាំងបែបបក្សប្រឆាំងសព្វថ្ងៃហ្នឹងទៀតចុះ ពួកគេសប្បាយនឹងប្រកួតបែបគេហ្នឹងអោយគេនៅប្រកួតចុះកូន វាជាជំនក់ចិត្តរបស់គេហើយ។ យើងនឹងរកផ្លូវសំរាប់ជីវិតបែបអ្នកយល់ធម៌របស់ពួកយើង វាគ្មានតំលៃអ្វីអោយយើងយកញើសសូម្បីមួយតក់ទៅឡូកឡំនឹងចំណូលចិត្តរបស់ពួកគេទេ។ ពុកចង់រស់ជុំកូនក្នុងសន្តិភាពផ្លូវចិត្តនាជីវិតចុងក្រោយរបស់ពុក ហើយពេលបិទភ្នែកលាកូនប្រុសស្រី ពុកញញឹមក្នុងចិត្តថាពុកបានរកកន្លែងសុខសាន្តអោយកូនរួចរាល់ហើយ គ្មានបញ្ហានៅពេលដែលគ្មានវត្តមានពុកទេ។ ជីវិតពួកកូនមានតំលៃសំរាប់ពុកបង្ហូរញើសឈាមណាស់កូន ពុកពេញចិត្ត ពុកកក់ក្តៅក្នុងអារម្មណ៍ក្នុងការបូជាជីវិតដើម្បីពួកកូនណាស់។ រស់ក្នុងសង្គមនេះ មានតែការភ័យខ្លាច មានតែអំពើរអយុត្តិធម៌ មានតែការឈឺចាប់ បញ្ហាហៅមហាបញ្ហា បើដូរបាននូវរបស់មានតំលៃនោះ ទោះស្លាប់ក៏នៅតែពេញចិត្ត តែនេះប្តូរបានមកវិញនូវ"សំរាម"។ គ្មានតំលៃសមនឹងកូនលះបង់ទេកូន ធ្វើអស់ចិត្តហើយ គ្មានរឿងអីត្រូវជាប់ជំពាក់តែនឹងពាក្យដែលគ្មានតំលៃអីបន្តិចសោះគឺ "ជាតិសាសន៍យើង"នោះឡើយ។ ស្អីទៅជាតិសាសន៍យើង? ឆ្កួតអីក៏ឆ្កួតម្លេះ គ្រាន់តែជាពាក្យសំគាល់ក្រុមមនុស្សមួយក្រុមតែប៉ុណ្ណោះ តើវាមានតំលៃអីទៅ វាគ្រាន់តែជាសូរស័ព្ទទេតើ ដែលត្រូវយកមកគិតនោះគឺតំលៃមនោសញ្ចេតនា។ ជាតិសាសន៍យើង តែយើងមិនបានស្រឡាញ់គ្នា គ្មានការអោយតំលៃលើមនោសញ្ចេតនារវាងគ្នានឹងគ្នាផងហ្នឹង តើពាក្យថាជាតិសាសន៍យើងវាមានន័យអីទៅ ម្តេចក៏ទៅឆ្កួតនឹងពាក្យដែលគ្មានតំលៃជាខ្លឹមសារគួរអោយយើងលះបង់ផងហ្នឹងទៅវិញ។ បើគ្មានតំលៃជាមនោសញ្ចេតនារវាងគ្នានឹងគ្នា នោះពាក្យថាជាតិសាសន៍យើងនេះ វាមានតំលៃត្រឹមតែសូរស័ព្ទទេកូន កុំទៅឆ្កួតជំពាក់ចិត្តនឹងរបស់គ្មានតំលៃអីចឹងណាកូន។ កាលណាកូនធ្វើការលះបង់ កូនត្រូវគិតអំពីតំលៃ។ យើងដើរចេញពីទីលានរបស់ពួកគេ ខ្មាំងសត្រូវយើងគេសើចសប្បាយថាយើងចាញ់ ហាហាហាហា ឆ្កួតសុទ្ធ យើងឈប់ប្រយុទ្ធព្រោះយើងតំលៃនៃការឈ្នះអ្នកឯងមិនឃើញតែប៉ុណ្ណោះទេតើ យើងនៅប្រយុទ្ធស្លាប់រស់នឹងអ្នកឯងដើម្បីអ្វី បើយើងមើលឃើញថារបស់ដែលអ្នកឯងខំការពារខ្លាចយើងដណ្តើមយកនោះជា"សំរាម"ទេតើ។ ទាំងអ្នកឯងក៏សប្បាយនឹងបឺតជញ្ជក់យកផលពីសំរាម ទាំងសំរាម ក៏ស៊ាំធម្មតានឹងការបឺតជញ្ជាក់របស់អ្នកឯង ហើយអ្នកឈរមើលការបឺតជញ្ជក់របស់អ្នកឯងចំពោះសំរាម ក៏មានចិត្តធម្មតាស៊ាំនឹងមើលទិដ្ឋភាពនេះទៅហើយនោះ សូមអ្នកប្រើជីវិតរបស់អ្នកសប្បាយតាមធម្មជាតិរៀងៗខ្លួនរបស់អ្នកចុះ។ យើងមើលមិនឃើញថាអ្នកឈ្នះយើងទេ តែយើងមើលឃើញតែថាអ្នកទាំងឯងហ្នឹងកំពុងតែវង្វេងវង្វាន់រកផ្លូវមិនឃើញរហូតដល់លាចាកលោក ជាជីវិតគួរអោយសង្វេគទៅវិញទេ។ សន្តិភាពគឺនៅក្នុងជំរៅចិត្ត មិនស្ថិតនៅលើរូបភាពឈ្នះចាញ់ទើបបានចិត្តបានសន្តិភាពនោះទេ តែការពេញចិត្តទៅវិញទេដែលមានសន្តិភាពក្នុងផ្លូវចិត្ត។ យើងមានសន្តិភាពផ្លូវចិត្តក្នុងការចាកចេញ ដោយមានអារម្មណ៍ជ្រះស្រឡះថា យើងគ្មានជំពាក់បំណុលពួកអ្នកទៀតទេ នោះហើយគឺជាសន្តិភាពរបស់ពួកយើង។ សូមកុំគិតថាយើងចាញ់ចិត្តសត្រូវ ត្រូវគិតថាឈ្នះដើម្បីដណ្តើមបានសំរាមឬ???
February 8 at 10:31pm · Public
